Badatoz Errege Magoak, eta geldialdia eginen dute, besteak beste, Goizuetan, eta aranoarrak ere gonbidatu dituzte! Arratsaldeko 18:00etan abiatuko dira, baina egun osoan zehar izanen dira prestaketa-lanekin.
Goizean goizetik, lanean
Lanez jositako egunak dauzkate aurretik Errege Magoek, baina tartetxo bat egin eta Goizuetatik pasako dira, neska-mutil goizuetar eta aranoarrak agurtzera. Baina laguntza beharko dutela jakinarazi diote Kronikari, hori dela eta, deia egin dute ostiral goizean, 09:00etan frontoian, prestaketa-lanekin laguntzeko.
Ondoren, 15:30etan bilduko dira Asinkon, kabalgatan atera nahi dutenak, eta 17:30etan, antortxekin ateratzeko. Oparien bilketa, aldiz, 17:00etatik 18:00etara eginen da, elkartekoak ez direnentzat.