Giro freskoa eta euria izan zituzten bidelagun igandean, Wukroren aldeko San Silbestre lasterketan parte hartu zuten ia 300 atletek. Giro freskoa, behintzat, gorputzari berotu ederra eman zioten arte, ibilbidearen 4 kilometroetan. Eta freskoa, azkeneko metroak egiteko Kale Nagusian gora abiatu ziren arte, bertan nabaritu baitzuten bereziki, ikusleen berotasuna.
Eta hori nabaritzen aurrenekoa Anartz Artola izan zen, atzetik Andoni Olazagirre eta Peru Arregi zituela. Emakumezkoetan, berriz, Eva Esnaola izan zen azkarrena, Amaiur Velez eta Mara Olazabalen aurretik. Bi podiumak, beraz, hernaniarrek osatu zituzten.
Eta beste sari bat ere banatu zuten, urtero bezala: mozorro onenari saria. Neska supersonikoak nabarmendu ziren horretan, espero baino mozorro gutxiagoren artean.
WUKROREN ALDEKO SAN SILBESTREA
Emakumezkoen sailkapena
1. Eva Esnaola Agesta
2. Amaiur Velez
3. Mara Olazabal Larrañaga
Gizonezkoen sailkapena
1. Anartz Artola Arin
2. Andoni Olazagirre Lasuen
3. Peru Arregi Zelaieta
Mozorro onenari saria
Neska supersonikoak