Urtea bezala, bukatzen ari da aurtengo Bertsolata ere; eta azken txanpan, ez dute prestatu bertso latarik, maila haundiko bertso jaialdia baizik.
Gaur arratsaldean izango da, 18:30etan hasita Biteri kultur etxean; eta taula gainera igoko diren bertsolariekin, Barakaldoko BECen tankera hartuko du Biteriko areto nagusiak, Bertsolari Txapelketa Nagusiko lau finalista egongo baitira: Maialen Lujanbio, Unai Agirre, Amets Arzallus eta Sustrai Colina. Eta haiekin batera, Hernaniko Bertso Eskolako bi kide gehiago: Agin Laburu eta Eli Pagola.
Saioaz gozatzeko sarrerak, gaur bertan jarriko dituzte salgai, Biterin, jaialdia hasi baino ordu eta erdi lehenago, arratsaldeko 17:00etan.
Urte Zahar Errondarekin zita, bihar arratsaldean
Eta urtea agurtzeko, kantari aterako dira bihar, Bertso Eskolako kideak, Ohitura Zaharrak abesbatzakoekin batera.
Arratsaldeko 17:00etan jarri dute elkartzeko zita, udaletxeko arkupeetan, eta bertatik abiatuko dira kantari, kale, plaza eta tabernak girotu eta urtea agurtzeko.