Bosgarrenez antolatu du aurten, Txantxangorri elkarteak, San Silbestre tiro txapelketa. Oiartzungo Arkaleko tiro zelaian izango da, 09:00etatik 10:00etara; eta bertan apuntatu beharko da. 15 euro dira.
Partehartzaile bakoitzak, 25 plater izango ditu, ahalik eta ale gehien jotzeko. Txapelketa bukatutakoan, eguerdiko 12:00ak aldera, elkartera joango dira, eta bertan banatuko dizkiete sariak onenei: irabazleari Gabonetako saskia, eta 15garrenera arte, jasoko dute sariren bat. Gainera, luntxa ere eskainiko diete, partehartzaile eta laguntzaileei.
Iñaki Loyarte txapeldun, ehiza txiki txapelketan
Orain bi aste, berriz, Eremuko ehiza txiki Txapelketa jokatu zen, txakurrarekin. Epelerreka eta Usokoerrekan egin zuten txapelketaren 39garren edizioa, eta Iñaki Loyarte izan zen onena, 506 punturekin; bi faisan eta hiru eper bota zituen. Bigarren, Asier Arrizabalaga izan zen, 504rekin (hiru faisan eta bi eper); eta hirugarren Odei Egaña, 404rekin (bi faisan eta bi eper).
Beterano onena Javier Oskoz izan zen, 204rekin (bi eper).