Gaur eskainiko du Lucia Etxeberria goizuetarrak, Azaro Kulturalaren barruan aurreikusita zegoen hitzaldia. Arratsaldeko 18:30etan izanen da, Goizuetako udaletxeko ganbaran.
Bertan, Nafarroako Brigadisten elkarteko beste kideekin batera egonen da Etxeberria, Greziako errefuxiatuen egoerari buruz hitz egiteko: Errefuxiatuak eta emakume errefuxiatuen egoera Grezian.
Udara partean, Greziako Chios irlan izan zen goizuetarra, elkarteko beste hainbat kiderekin batera, bertara iristen ziren errefuxiatuei laguntzen, ekintza desberdinak antolatzen... Etxeberriak, bereziki, osasungintzako lanak egin zituen, erizaintza ikaslea baita. Chiosen bizitakoari buruz eta ezagututakoari buruz ariko da gaur, ganbaran.