«Zahartu egin behar eta... baina oso ondo nago!»

«Edozeinek ez ditu betetzen 100 urte! Harro egoteko modu­koa da», zioen Anttoni Egaña Aramburuk, asteartean. Eta ha­laxe zegoen, harro, berak bete zituelako 100 urte, aben­dua­ren 26arekin: «zahartu egin behar eta... baina oso ondo nago!», azaldu zien irribarretsu, bisi­tan joan zitzaiz­kionei.
Bisitarien artean izan ziren Udal ordezkariak ere; Luis In­txauspe alkatea eta Koro Etxe­berria zinegotzia. Omenaldia egin zioten, lore sorta bat es­kainiz. «Asko eskertzen dizuet denoi, gaur denak etorri zarete bisitan. Eta ez naiz nekatzen bisitak jasotzeaz, oso kontentu nago, enkantadisima!».
Hernanin eman du bere bizitza, eta Egaña familiaren ta­berna izan du lantoki eta bizi­toki. Ereñotzun ezkondu zen, baina astigartarra zuen senarra. Bost seme-alaba ditu, eta 74 urterekin alargundu zen.
1908an hartu zuen taberna bere ama Juanitak, logelak ere bazituela. Txirritak ere hartu zuen ostatu bertan, eta pasarte ugari dauzkate harekin; San Joan jai batzuetan komun be­rri­a jarri, eta Txirrita molda­tzen ez zela eta, atea puskatu behar izan zutenekoa, adibi­dez. Bertsoak jarri zizkion Txirritak Juanitari.
Anttoni, sei anai-arrebetan gazteena, sukaldari aritu zen bertan, eta oso ezagunak ziren bere tripaki eta kroketak. 1986 urtean itxi zuten taberna, bai­na bertan elkartu zen familia osoa asteartean, berriro, urte­u­rren borobila ospatzeko.
Antzerki munduan ere pau­­soak eman zituen Anttonik, «burua oso sano» dauka, eta «pre­sarik gabe, beti korrika» ibiltzen da, «purrustaka», kon­tatu zuen barrez.