Astigarragako eta Donostiako Udalek hala eskatuta, 27 poligonoa Bidebitarteko errotondarekin lotzeko proiektua idatziko du Gipuzkoako Foru Aldundiak. Horrekin, 27 poligonoko eta Martuteneko errotondako trafikoa gutxitzea da helburua: «27 poligonoa industria eremu haundi bat da, eta sarrera bakarra dauka. Gaur egun ez da nahikoa, eta pilaketak izaten dira egunero», azaldu du Aintzane Oiarbide diputatuak.
Lotura berriak (900 metro), suposatuko du sarrera berri bat izatea poligonoak, zuzenean Bidebitarteko errotondara joango dena, Petritegiko bidearen gainetik.
«Hobekuntza nabarmena ekarriko die 27 poligonoaren erabiltzaileei, lanera iristeko denbora aurreztuko baitute», adierazi du Zorione Etxezarraga Astigarragako alkateak.
Proiektua idazteko lana, lehiaketara aterako du laster.