Jaialditik tailerrera, Olentzeroren etorrera

Ostiralean, klaseak bukatze­a­rekin batera, helduko diote Gabonetako ekintza sortari, Aranon eta Goizuetan. Eta azke­neko klase egun horretan, urte­ro bezala, jaialdia eginen dute Goizuetako Xalto Eskolan.
Goizeko 09:30ak aldera iza­nen dute bisitan Maridomingi, txikienek, eta beraiekin egonen da tarte batez. Gero, maila guz­tietako ikasleak elkartuko dira, abesti-jaialdia ospatzeko. Bina kanta abestuko ditu talde bakoi­tzak, eta 11:00etatik 13:00etara izanen da jaialdia.

‘Artantxuriketan’ 23an eta kantuan 24an, Aranon
Hurrengo bi egunetan izanen dituzte zita bereziak, Aranon. Hilaren 23an, Artantxuriketan emanaldia eskainiko dute, Ma­ria Jesus Zugarramurdik eta Aran­­­-txa, Ainhoa eta Maider Ansa ahiz­pek. Mai­su­enean izanen da, arratsal­de­ko 18:00etan hasita.
Eta aurretik, akaso sorpre­sa­ren bat ere prestatuko dute, herriko haur eta gaztetxoek...
Hurrengo egunean, aben­du­aren 24an, berriz, urteroko zita jarri dute: kalera aterako dira haur eta heldu, kantari buelta egitera, baserritarrez jantzita.

24ko arratsaldean iritsiko da Olentzero, Goizuetara
Goizuetan ere aterako dira kan­tari, etxez etxe, hilaren 24an. Olentzero hartuta, Eskolako gu­ra­so eta haurrek eginen irteera goizean, 11:00ak aldera abia­tu­ta, DBHkoentzako dirua bil­tze­­ko. Hamaiketakoa ere eginen dute elkarrekin.
Eta arratsaldean aterako da, presoen aldeko Olentzeroa. Ikas­tolatik abiatuko dira, 15:30-16:00 aldera, eta arratsal­de osoan zehar ibiliko dira kantari.
Eta kantuan diren bitartean, iritsiko da Olentzero Goizuetara. Arratsaldeko 18:30etan sartuko da herrian, eta Plazan edo fron­to­ian jasoko ditu haurren gu­tu­nak, baita goxokiak banatu ere.

Eguberritako tailerretan, izenematea asteazkenera arte
Eta urtea bukatzeko, Egube­rri­ta­ko tailerrak izanen dituzte, Arano eta Goizuetako haurrek. Abenduaren 26 eta 27an Goi­zu­etan eginen dituzte, eta 28an Aranoko Maisuenean. Hiruak iza­nen dira goizeko 10:00etatik 13:00etara, eta datorren asteaz­kenera arte dago izena emateko epea: Xalto Eskolan jaso duten orria bete eta diruarekin batera Eskolan utzi; eta aranoa­rrek, Ainhoa Ansarekin harre­ma­netan jarrita ere egin dezakete. Egun bakoi­tzeko, 5 euro dira.