Doneztebera joan ziren txapelak, Uterga eta Etxeberria IIIrekin!

Oso lehiatua izan zen Binaka­ko Txapelketaren final haundia, eta bukaerara arte, ez zuen hartu aldea bikote batek, markagailuan: Utergak eta Etxe­be­rria IIIk eman zuten azkeneko kolpe hori!
Doneztebera eraman zitu­en bi txapelak bikoteak, Ezkurra II eta Endikari 40-32 irabazita. Baina ederki kostata lortu zu­ten garaipena, 24-27 kontrako markagailuari buelta eman behar izan baitzioten; 7 tanto egin zituzten segidan, eta 31-27 jarri ziren. Azkeneko emaitzaren 8 tantoren aldea, izan zen partiduko haundiena.
Uterga izan zen protagonis­ta nagusia, mota guztietako 18 tanto eginda. Bera izendatu zuten finaleko jokalari onena, eta baita txapelketako aurrelari onena ere. Atzelari onena, be­rriz, En­di­ka Barre­ne­txea her­naniarra izan da, se­mifi­na­le­tatik kanpo geratu arren.