Gipuzkoako Taldekako Bola Txapelketako 2garren jardunaldiko tiraldia jokatuko da gaur Olaberrian. Aurreko asteburuan, gizonetan, A taldean, Ereñotzuko Ur Mia eta Urnietako Santa Kruz izan ziren aurrenekoak, 236 brilarekin, eta gaurkoan lidertzari eustea izango dute helburu ereñotzuarrek. Elur Txorik 5garren egin zuen 199 brilarekin. B taldean, Zarauzko Zelaiondo A sailkatu zen aurrena. Bakarka, berriz, Urnietako Benito Loitegi da lider 48 brilarekin, eta Ur Miako Ibon Miner ereñotzuarra, bigarren. Emakumeetan, Zerain eta Gabiria dira lider A eta B taldeetan, hurrenez hurren. Finalak Seguran jokatuko dira gaur zortzi.