Babesgabetasun egoeren protokoloa, berrituta

Berritu egin dute lankidetza hitzarmena, Hernaniko Udaleko Zerbitzu Sozialek eta Hernani BHI Institutuak, haur eta nera­been babesgabetasun egoe­re­tan jarduteko protokoloa finkatze­ko. 2016ko irailean sinatu zuten aurrenekoz, eta berritzea ados­tu dute, emaitza onak ikusita: «elkarlan honek onurak ekar­tzen dizkie familiei, laguntza haien beharretara egokitzen delako. Udalaren, Institutua­ren eta familien elkarlana sus­ta­tzen da, umeen eta nerabeen garapen osasuntsua lortzeko», adierazi dute.
Hitzarmena sinatuta, hain­bat konpromiso hartu dituzte bi aldeek. Zerbitzu Sozialek, tek­nikari erreferenteak izen­da­tuko dituzte gai horretarako, Kale Heziketako profesionalek ikastetxean heziketa lana egin­go dutela ziurtatuko dute, ja­rrai­­pen-mahairako langileak izen­­datuko dituzte, eta prebentzio mailan antolatutako ekime­nen berri emango dute Institutuan, eta partehartzea erraztu.
Institutuak, berriz, protoko­loaren berri emango die ira­kasle guztiei, eta bete egingo ditu bertan jasotako puntuak. Berak ere, jarraipen-mahai­ra­ko langileak izendatuko ditu.

Herriko beste ikastetxeekin ere lanean, Zerbitzu Sozialak
Institutuarekin bezala, herriko beste ikastetxe batzuekin ere ari dira protokoloa lantzen, Zer­bitzu Sozialak. Babes zer­bi­tzu­ak, 97 pertsona artatu ditu aurten; haur eta nerabeak eta haien senitartekoak, hain justu. Hori ikusita, zerbitzua in­dar­tu nahi izan du Udalak; eta 2018ko aurrekontuan, %7ko igo­era izango du adingabe eta fa­mi­liekin lotutako zerbitzuak.