Lider jarraitzen dute, Jaime Romero eta Urko Semperena astigartarrek

Lehia bizia daukate Pista Saria irabazteko, Urko Semperenak Igor Arrutirekin open mailan; eta Jaime Romerok Asier Pozo­rekin kadeteetan. Bietan, lider jarraitzen dute astigartarrek.
Semperenak aurrea hartu zion scratcheko azken esprintean Arrutiri, hirugarren izateko; baina Arrutik puntu batzuk atera zizkion astigartarrari pun­tuazioan. Horrela, 29 punturen aldea mantentzen du Sem­pe­renak, sailkapen nagusian.
Romerok, berriz, Pozori bi probak (tempo eta puntuazioa) borrokatu arren, bigarren izan zen bietan, haren atzetik. Hor­taz, 6 puntu kendu dizkio Pozok, baina 16 puntura dago oraindik.
Juniorretan, azkenik, Telmo Semperena 7garren izan zen eli­minazioan, eta 11garren pun­tuazioan. 11garren dago orain.

Donosti Berri bigarren bi mailetan, kluben artekoan
Joan den asteburuan jokatu zen Kluben Arteko Koparen au­rre­ne­ko jardunaldia ere, kadete eta juniorrentzat; eta tartean, Donosti Berrirekin, Romero eta Semperena. Eta bi mailetan, bi­garren jarri dira. Sei probetatik hiru irabazi zituen Romerok.
Pista Sariak gaur dauka seigarren jardunaldia, 16:00etan.