Udal liburutegiak bi ekimen jarri ditu martxan, Gabon hauetan inor aspertu ez dadin; komikigintza tailerra eta, liburutegian jarritako Gabonetako zuhaitzari lotuta, galdera lehiaketa.
Tailerrean, izenematea
Komikigintza tailerra Ainara Azpiazu Axpik emango du, urtarrilaren 4an eta 5ean, 11:00etatik 12:30etara liburutegian. 10-14 urteko gaztetxoei zuzendua izango da, eta izena eman behar da liburutegian.
Aurreneko saioan komigintzaren oinarrizko elementuak ezagutu eta pertsonaia bat diseinatzen ikasiko da; eta bigarrenean, istorioa biñetetan zatitu eta narrazioa osatzen.
7 galderako lehiaketa
Bestalde, Gabonetako zuhaitza osatzeko Hernaniko argazki zaharrak erabili dituzte liburutegian, eta horiei lotuta, 7 galdera prestatu. Horiek erantzuteko epea urtarrilaren 3ra artekoa da, eta lau sari banatuko dira irabazleen artean, urtarrilaren 4ko zozketan: 40 euroko bono bana, Balantxa, Gaueko, Elkar eta Leokadisti dendetarako.