Etzi hasiko da, ostiralarekin, Hernanin neguko oporraldirako prestatu duten egitarau berezia; «zabalagoa eta osatuagoa» aurten. Hala definitu zuen Garazi Etxarri Gazteria zinegotziak, atzo liburutegian egin zuten aurkezpenean. Izan ere, sail desberdinen artean osatu dute programa, arlo guztietan izan dezaten ekintzarik, Hernaniko haur, gazte eta helduek.
Hori horrela, Etxarrik berak aurkeztu zituen Gaztelekuak prestatutako ekintzak; tartean urte bukaerako festa, abenduaren 29an; edota Pio Barojan eskalada, urtarrilaren 3an.
Kiroldegiko ludotekan, berriz, familia osoarentzako guneak izango direla nabarmendu zuen Manolo Ayerbek. Eta berdin urtarrileko Biteriko bi emanaldiak ere: Ninika dantza saiorako eta Drag-e uraren bila antzerkia, helduentzat ere interesgarriak izan daitezkeela nabarmendu zuen Agurtzane Aizpuruk: «Gabonetako programazioa indartu da, arte diziplina ezberdinei tokia eginez, eta adin guztietarako».
Liburutegiak, azkenik, komiki tailerra antolatu du urtarrilak 4 eta 5erako, 11:00etatik 12:30etara, Axpiren eskutik.
ABENDUAK 22, ostirala
17:00, ‘Hernani’ Musika Eskola Publikoko ikasleak, herriko kaleetan barrena.
22:30, Kontzertua, Biterin: Esne Beltzak 10 urte. Sarrerak agortuta.
ABENDUAK 23, larunbata
22:30, Kontzertua, Biterin: Esne Beltzak 10 urte. Sarrerak agortuta.
ABENDUAK 26, asteartea
10:00-13:00, Ludoteka, kiroldegian.
17:00, Desioen pareta. 12 urtetik gorakoentzat, Gaztelekuan.
ABENDUAK 27, asteazkena
10:00-13:00, Ludoteka, kiroldegian.
17:00, Hi selfie! ginkana. 12 urtetik gorakoentzat.
17:00, Zinea Biterin: Igelaren erresuma. Familia osoarentzat.
ABENDUAK 28, osteguna
10:00-13:00, Ludoteka, kiroldegian.
11:00, Sukaldaritza tailerra. 12 urtetik gorakoentzat, Gaztelekuan.
16:00 eta 18:00, Antzerkia: Go!azen 4.0. 7-12 urte bitartekoentzat, Biterin. Sarrerak agortuta.
ABENDUAK 29, ostirala
10:00-13:00, Ludoteka, kiroldegian.
17:00, Urte bukaerako festa. 12 urtetik gorakoentzat, Gaztelekuan.
URTARRILAK 2, asteartea
11:00, Ipuin kontaketa, Biterin. 3-4 urte.
11:30, Ipuin kontaketa, Biterin. 5-7 urte.
17:00, Mahai jolasak. 12 urtetik gorakoentzat, Gaztelekuan.
URTARRILAK 3, asteazkena
16:00, Eskalada. 12 urtetik gorakoentzat, Pio Baroja kiroldegian.
17:00, Dantza, Biterin: Ninika, Elirale konpainia. 3 urtetik gorakoentzat. 2,7 euro.
URTARRILAK 4, osteguna
11:00, Komiki tailerra, Biterin. 10-14 urtekoentzat. Izenematea doan, liburutegian.
17:00, Arratsalde musikatua. 12 urtetik gorakoentzat, Gaztelekuan.
17:00, Haur antzerkia, Biterin: Drag-e uraren bila. 4 urtetik gorakoentzat.
URTARRILAK 5, ostirala
11:00, Komiki tailerra, Biterin. 10-14 urtekoentzat. Izenematea doan, liburutegian.