Ezohiko Plenoa izango da gaur, arratsaldeko 19:00etan hasita, Hernaniko udaletxean. 2018 urteko Udal Aurrekontua bozkatzeko osoko bilkura dute gaurkoa, udal taldeek.
Plenoko hirugarren puntua izango da hori, eta Gobernu Taldeak bere aurrekontu proposamena aurkeztuko du, eta bertan bozkatuko dute. Behin behineko proposamena, azaroan aurkeztu zuen Udal Gobernu Taldeak, eta proposamen horri, zuzenketak aurkeztu dizkiote oposizioko alderdiek: osoko zuzenketa EAJk eta PSE-EEk, eta zuzenketa partzialak Orain Hernanik.
Udal Aurrekontuarekin batera, bozkatuko dituzte 2018 urterako plantilla organikoa eta lanpostuen zerrenda.
Beste lau puntu aztergai, gaurko Plenoan
Hori ez da izango landuko duten puntu bakarra, gaurko Plenoan. Beste lau gai ere eztabaidatuko dituzte udal taldeek.
Azaroko Plenoko akta onartzea izango da aurrenekoa, eta ondoren, abenduan emandako dekretuen berri emango dute. Jarraian, bi puntu: Eziagoko zuzkidura jarduketa baten xehetasun azterlana onartzea; eta Beterri-Buruntzako Elkarlan Sorguneen Programaren araudiaren hasierako onarpena.