AURTEN ere auzoko mus txapelketa antolatu du Osiñagako auzo elkarteak. Otsuenea sagardotegian egingo da oraingoan, gaur, 16:00etan hasita. 26garren edizioa du arratsalde batean jokatzen den Osiñagako Mus Txapelketak. Ohitura izaten da auzoan, garai honetan, honelako ekimena antolatzea.
Txapelketa eta bi txerrikume
Bertan eman beharko da izena, bikoteko 20 euroan, eta behin bikoteak zeintzuk izango diren jakinda egingo da zozketa eta antolatuko dira partiduak.
Sariak erakargarriak dira. Lehen sailkatzen den bikoteak txapelak eta bi txerrikume eskuratuko ditu. Azpitxapeldunek trofeoak eta uraiazpikoak irabaziko dituzte. Hirugarren sailkatzen den bikoteak arkumea du sari eta laugarrenak txuletak.