Emakumeon Plaza berrituko du Udalak, datorren urtean

Emakumeon Plaza berritzea izango da, 2018an, Udal Gober­nu Taldearen helburuetako bat. Hala jakinarazi du egun hauetan, prentsa ohar bidez: «Udalak plazaren birmol­da­keta urbanistikoa egingo du, zonaldea birgaitzeko asmoz, oso hondatuta baitago», azal­du du Gobernu Taldeak.
Baina berritu bakarrik ez, «identitatea» ere eman nahi diote: «erreformatik haratago, identitate propioa eman nahi diogu Emakumeon Plazari».
Joan den urtean inauguratu zuten Emakumeon Plaza, izen berriarekin, emakume asti­gar­ta­rrak omentzeko, «gober­nu jel­­tzaleak berdintasunarekin daukan konpromisoaren era­kusle». Eta orain, azaldu dute, obratik haratago joatea «ezin­bestekoa» ikusten dutela, «espa­­zio atsegin bat sortzeko, ema­kumeen arteko bilgune izango dena; eta pasatzeko toki bat izateko, alde zaharreko pla­za garrantzitsuenetako bi lo­tu­ko dituena: Joseba Baran­dia­ran eta Pentagono plazak», azaldu dutenez.

Harremanetan, arkitekto espezialista batekin
Dagoeneko jarri dira ha­rre­ma­netan, genero gaietan adi­tua den arki­tekto batekin, obraren ahol­ku­lari lanak egiteko. Eta aurre­ra­tu dute, urte hasi­eran parte­hartze prozesu bat egingo du­tela, herritar nu­kleo des­ber­di­nekin, «erabaki­tze­ko no­la­koa izango den asti­gartar guztion Ema­kumeon Plaza».