Martxan dira Sagardo Plazako obrak; eta orain, bertako jolastokian zein elementu jarri erabaki, auzotarrei galdetuko die Udalak. Hiru aukera desberdin proposatu dizkie horretarako, eta gutun bidez helarazi dizkie etxera. Haundiago ikusi nahi dituenak, ikusgai dauzka udaletxean, kultur etxean eta herriko hainbat establezimendutan.
Hiru aukera horien artean, baten alde bozkatu beharko dute auzotarrek; datorren ostiralean, 12:00etatik 14:00etara, eta 19:00etatik 20:00etara, Sagardo Plazan bertan.