Musikaren ‘historiatik’, zapata gorrietara

Protagonismoa izango du an­tzerkiak, egun hauetan, Asti­garragan: emanaldi bat eskai­niko dute gaur, eta beste bat asteartean.
Ez dok hiru izango da gaur­koa, Tartean antzerki konpai­niaren eskutik. Patxo Telleria eta Mikel Martinez aktoreek, Euskal Herriko imajinario mu­sikalaren errepaso ironiko, absurdu eta dibertigarria egin­go dute, euskal musikaren benetako historia kontatuz. Zuzeneko musika ere izango du antzezlanak, hiru aktore-musikari egongo baitira taula gainean. 20:00etan izango da, kultur etxean; eta sarrerak ber­tan jarriko dituzte salgai, ordubete lehenago, 6 euroan.
Kronikak, sarrera bikoitz bat zozketatu du, eta Harkaitz Galarraga izan da irabazlea.

Haurrentzako antzerkia, astearte goizean
Desberdina izango da aste­arteko antzerki saioa. Zapata go­rridun mutila eskainiko du Ados Teatro konpainiak, Herri Eskolako LH5 eta LH6 maile­ta­ko ikasleentzat. Kultur etxe­an izango da hori ere, 11:00etan, eta Udaleko Hez­kuntza Sailak antolatu du sa­ioa, Eus­ko Jaur­laritzaren eta Gipuzkoako Foru Aldundiaren babesarekin.
Antzezlanak kontatuko du, mutilei gustatu ohi zaizkien gau­zak gustuko ez dituen mu­tiko baten istorioa. Helburua da, laguntzea aniztasuna uler­tzen, gizartearen elementu abe­rasgarri gisa.