hamaika urte beteko dira, larunbatean, Kontrakantxa Gaztetxearen ateak ireki zituztenetik, eta ospakizun horren bueltan, egitarau berezia antolatu dute. Gaur bertan, haurren etxea, herriko txikienentzako erosoa den txokoa izatea nahi dute, «gaztetxeko ateak inorentzat beldurgarriak izan ez daitezen».
Asmo horrekin, haurrentzako mahai jolasak eta joku desberdinak egingo dituzte bertan Kanikako Aisialdi taldeko kideek, 17:00etatik 19:00etara.
Biharko aurreikusita zego-en emanaldia bertan behera geratu da; eta ‘prebiarekin’ bukatzeko, Hernani solidarioak kantautoreen emanaldia izango da etzi, ostiralean, 19:00etan, hasita.
Larunbatean, egun haundia
Ospakizun haundia, aldiz, larunbatean izango da. Kontrakantxa Gaztetxearen 11garren urteurrena ospatuko da eta Drogarik gabeko eguna izango da, «egungo jai ereduari, kontsumo ereduak eta bertan sortzen diren menpekotasunen beharretan oinarritzen diren harremanak kapitalismoa indartzen duten ereduak dira». Horregatik alternatiba proposatu nahi da. 10:00etan maskulinitate tailerra egongo da eta ondoren, 14:00 elkartruke bazkaria (bakoitzak etxetik ekarri eta denen artean elkarbanatu). Arratsaldean, 17:00etan tribial jokura jolastuko da eta azkenik 22:00tan dantzaldia egongo da, gazteek gozatu dezaten.