San Tomas azoka larunbatean, eta Gabon Kantak igandean

Urte bukaerako bi zita berezi izango dira asteburu honetan, Astigarragan. Batetik, larun­ba­­tean, San Tomas azoka jarriko dute Foru Plazan; eta igan­de­an, bestetik, Gabon Kanten ema­­nal­dia eskainiko dute elizan.

Musika, jan-edana edota erakusketak, azokan
Herri Eskolako guraso eta irakasleek antolatu dute San Tomas azoka, Udalaren babe­sa­rekin. Goizeko 10:30etatik eguerdiko 13:30etara izango da, eta dene­tik egongo da ber­tan: ikasleek egindako gozo­ak, nazioarteko pos­treen das­taketa, tresna za­ha­rrak, garai bateko argaz­kiak, eskulanen eta baserritar jan­tzien era­kus­keta, neka­za­rien produktuen salmenta...
Gabo­ne­tako zuhaitza apain­­tze­ko tai­lerra ere egingo dute, eta zapiak nola jantzi era­kus­te­ko azalpen-txoko bat ere izan­go da. Eta hori guztia, txis­tularien kalejirak eta kan­tu jaialdiak girotuta.
Taberna ere egongo da bertan, Arantzazuko Ama ikas­tetxeko DBHko ikasleen esku­tik, kurtso bukaerako bidaia finantzatzeko dirua biltzeko.
Eta txerritxoaren eta saski­en zoz­keta ere egingo dute azokan. Eguerdiko 13:30etan izango da zozketa.

Gabon Kanten emanaldia, Musika Eskolak eta Aiztondok
Hurrengo egunean izango da Gabon Kanten emanaldia, goi­zeko 11:30etan hasita. Norberto Almandoz Musika Eskolak eta Aiztondo abesbatzak eskai­ni­ko dute, Andre Maria elizan.
Gabonetako kanta eta doi­nuak eskainiko dituzte, egu­be­rriei ongie­to­rria emateko.