GABONETAN entretenitzeko aukera ederra izango dute 2 eta 5 urte bitarteko haurrek, aurten ere. Jolas Txiki, aisialdian eta entretenimenduan oinarritutako egitasmoa antolatu du kiroldegiak, bi txandatan.
Joko didaktiko, lankidetza eta taldeko jolasen bidez, gaztetxoen arteko harremanak sustatzea du helburu. Aurreneko txanda, abenduaren 26tik 29ra eskainiko da, eta bigarrena, urtarrilaren 2tik 5era, biak, 09:00etatik 13:00etara.
Bazkideek 41 euro ordaindu behar dute eta besteek 51,80 euro. %10eko beherapena egongo da, bi txandak hartuz gero, edota bigarren senidearen izenematean.
Izenemateak kiroldegiko harreran egin behar dira astelehenetik, abenduaren 11tik, ostiralera arte, abenduaren 15era arte.
Kirol eguna,
abenduaren 22an
Bestalde, Kirol Eguna ere antolatu dute kiroldegian, hilaren 22rako. 16:30etatik 20:30etara, haurren judo, zunba eta jump fit erakustaldiak egongo dira; eta helduentzat, jump fit, aeropilates ziklo eta group pole circuit saioak. Eta ondoren, afaria Petritegin. Izenemateak kiroldegian egin daitezke, astelehenetik abenduaren 18ra.