Jaiegunengatik nabarmendutako asteburu honetan, hainbat aldaketa izan ohi dira kiroletako egutegietan. Hala ete guztiz ere, hogei zita izango dituzte Hernaniko pelotariek; horietako hiru, finaletan.
Gaur eguerdiko 12:30etan hasita jokatuko du finala Ojuelek, Huarten.
Paul Ojuelek, gaur
Gaur izango da garrantzitsuenetako bat; Huarteko lau t’erdiko finalean lehiatuko da Paul Ojuel hernaniar seniorra, eguerdiko 12:30etatik aurrera. Aurrez aurre izango du bertan, Irurtzungo Alberto Ongay profesional ohia.
Bigarren aldia da Ojuel hernaniarrak finala jokatzen duena; aurreko urtean 22-21 galdu zuen, Yoldiren aurka. Aurtengoan, berriro ere, arerio zaila izango du, baina iragarpenak nahiko parekatuta daudela dirudi.
Baztango finaletan, infantilak
Beste bi final ere jokatuko dituzte hernaniar gaztetxoenek. Baztango txapelketari dagozkionak dira biak, eta igandean jokatuko dituzte, goizeko 10:00etan. Lehenengo mailako infantilek Elizondon jokatuko dute: Jon Jara eta Zestoako Senosiainek, Andoaingo Gaztelekuren kontra. Iruritan izango da, ordea, bigarren mailako infantilen lehia: Donostiaren kontra arituko dira Oier Garaiar eta Unai Etxarri.