Aurten ere, Ezagutu Hernani lehiaketa jarri du martxan Hernani Errotzenek, gaur hasi eta abenduaren 15era arte.
Zehazki, hiru galdera planteatu dituzte, eta zuzen asmatzen dituztenen artean, Donostia 1813 dokumentalaren DVDaren 100 ale banatuko dituzte, abenduaren 16an jarriko duten zitan.
Parte hartzeko, nahikoa da papereko edizioko albistearekin doan fitxa bete, moztu, eta toki hauetan dauden kutxetako batean uztea: Rioja taberna, Urbieta Kopiak, Biteri eta Kronika.
Horrez gain, emailez ere erantzun daitezke galderak, herriaerrotzen@gmail.com helbidearen bidez.
Ez egin iruzkinik albiste honetan, bestela gainontzekoek ere ikusiko dituzte erantzunak!
Hiru galdera: asmatuko?
Hauexek dira, erantzun beharreko hiru galderak:
1.- Nortzuk jaurti zuten Udaletxea suntsitu zuen kanoikada? Karlistek ala liberalek?
2.- Zer da Oriamendi?
a) Mendi bat.
b) Kanta edo ereserki bat.
c) Oria ibaiaren
itsasoratzea.
3.- Hernaniko zein kaleko zein etxeri esaten zaio Victor Hugo idazlearen etxea?