atzo ireki zituen ateak Durangoko Azokak, euskal liburu eta disken azokak, alegia. Bertan, Dobera Euskara Elkarteak eta Hernani Errotzenek bere tartetxoa izango zutela jakinarazi zuen atzo Kronikak, baina ez dira hernaniar bakarrak izango. Izan ere, postua jarri du, baita ere, Hernanin egoitza duen Aztarna Argitaletxeak, eta bertan eskuratu ahal izango da aurrenekoz, baita ere, Urko Apaolaza kazetari hernaniarraren liburu berria: Zuloan.
Diska berria, Aztarnak
Atzo inauguratutako azokako stand gehienen antzera, diska berriarekin joan da Aztarna argitaletxera Landako gunera. Alboka taldearen lan berria da, hain zuzen, Lurra, Ur, Haize izenburupean ekoiztutakoa. Alan Griffinen eta Joxan Goikoetxearen gidaritzepean, 17 kantu berrirekin osatutako diska da, gonbidatu bereziekin egin dutena: Gatibuko Alex Sardui, Petti, Ken Zazpiko Eñaut Elorrieta, Mikel Urdangarin, Amets Arzallus...
AHTaren inguruan, Apaolaza
Urko Apaolazak, aldiz, kazetaritza lan osatua aurkeztu du Zuloan argitalpenean. Bertan jasotzen du, «AHT eta lan-esplotazioan barrena egindako bidaia baten kronika». Urtebeteko kazetaritza-lana da, eta eskuratu nahi duenak, Argiaren standean aurkituko du, Barrenkale 1-2-3 zenbakietan.