Haurdunaldi subrogatuaren gaia pil pilean dabil azkeneko urteetan; eta horregatik, gaiari helduko dio Berdintasun Sailak, Jabetze Eskolen neguko programaren barruan. Horretarako, bi saio antolatu dituzte, datozen hilaren 13an eta 20an egingo direnak.
Itziar Alkorta eta Maite Asensioren eskutik landuko da gaia, bi egunetan zehar, arratsaldeko 18:00etatik 20:00etara bitarte, Biterin.
Izenematea, Berdintasun Sailean
Nahiz eta saioa debaldekoa izan, aurretik izena eman beharko da, Berdintasun Sailean. Telefonoz egin daiteke izenematea, 943 33 70 17 zenbakian.
Helburua, bikoitza
Saio hauen helburua bikoitza da: fenomeno honetara gerturatzea, bata; eta bestea, emakumeen arteko hausnarketa feminista sustatzea.