Bi urte pasa dira dagoeneko azkeneko Gazte Olinpiadak antolatu zirenetik, eta horren arabera, 2018ko udaberrian izango dira hurrengoak.
Hilabetetxo batzuk falta badira ere, antolatzen hasi behar dira, eta horretarako, lanean hasteko aurreneko zita jarri dute gaurko. Arratsaldeko 18:30etatik aurrera elkartuko dira, Kontrakantxa gaztetxean.
Aurreko urteetako balorazioa egiteaz gain, ideia berriak eta proposamenak jasoko dituzte gaurkoan, hurrengo urtera begira.
Balorazioa egitea, asmoa
Gaurko bilerako helburua da aurrekoetako balorazio txikia egitea. Horrez gain, «ideia berriak eta proposamenak ere jasoko ditugu hurrengo olinpiadei begira». Eta horretarako egin diete deia gazte hernaniarrei Gaztetxera gerturatu eta beraien iritziak mahai gainean jartzeko.