aurten ere, Mintzodromoa antolatu du Udal Euskaltegiak, herritarrak euskera praktikatzera animatzeko. Gaur izango da ekimena, bi saiotan: aurrenekoa, goizez, 10:00etatik aurrera; eta bigarrena, arratsaldez, 19:00etan hasita. Bi saioak Biterin izango dira.
Azken deia, parte hartzeko
Aurreko bi edizioetan bezala, Biteriko areto nagusian elkartuko dira euskera ikasleak, euskaldun zaharrak, gazteak... eta giroa «goxo eta erosoan» beren artean euskeraz egiteko aukera izango dute. Izan ere, badaude aukera hori gutxitan izaten dutenak.
Izena emateko aukera aurreko astean bukatu bazen ere, oraindik gogoz daudenei deia egin diete saioetako batera joan, eta parte hartzeko.