pASA DEN astean Eusko Legebiltzarrean, Sahararen aldeko 14garren Euskal Karabanaren aurkezpena egin zen eta Hernaniko Saharauien lagun taldeak Udalarekin elkarlanean karabanan ere parte hartuko du. Bertan janaria biltzen da saharar herriari laguntzeko.
Bertan biltzen diren jakiak ondorengoak dira: Azukrea, lekaleak, pasta, arroza, atuna sardinak oliotan... eta konpresak ere bai. Biltzeko lekuak: Supermerkatuetan abenduaren 15-16 eta otsailaren 2-3. Biteri Kultur Etxean abenduan eta urtarrilean zehar eta eskoletan abenduaren 22an
Taldea irekita da eta jendea behar da. Bestalde, Udaran ere ume saharairen bat etxean hartzeko aukera dago. Informazioa nahi izanez gero harremanetan jartzeko 943 33 68 02 telefonora deitu edo marijo-m@hernani.eus helbide elektronikora idatzi daiteke
Bigarren eskuko kamioia erostea ere beharrzekoa da
Saharar errefuxiatuek elikadura aldetik segurtasunik ez izateak ondorio latzak dakartza herritarren bizitza-kalitatean, osasunari dagokionez batez ere. Horregatik, janarien ekarpena osatu nahi da egitarau honen bidez, eta horretarako, premiazko janariak bidaliko zaizkie Tindoufen bizi diren errefuxiatuei. Guztia garraiatzeko bigarren eskuko kamioia erostea ere beharrezkoa da.
Sahararen aldeko diru laguntzak egin daitezke Laboral Kutxan. 3035 0080 94 0800054177 kontu korrontean. Harremanetarako telefonoa 619 02 96 48.