Izugarria eginda, finalean da Unai Agirre!

Emozioz beteta, eta ikusleen txalo zaparrada haundiarekin, jaso zuen albistea Unai Agirrek: ondo merezita izango da Ber­tsolari Txapelketa Nagusiaren final haundian, Barakaldoko BECen. Izugarria egin zuen her­naniarrak, zaila zeukan zortzi­garren txartel hori eskuratzeko!
Bere estiloari fidel eta umo­reari eskutik helduta, ariketa guztietan eman zuen maila ederra Agirrek, Iruñan. Kartze­la­koan, momentuari egin zion errefe­rentzia: kartzelatik ate­ra­tzeko beldur zela, oholtzara igo nahi ez zuela eta. Bera izan zen kantatzen azkena, eta az­ke­­neko ariketa hori bezala, saio osoan zehar egindakoa txalotu zioten ikusleek, bukaeran.
Azkenean, 696 puntu jaso zi­tu­en hernaniarrak, eta fina­le­ko bigarren hernaniarra izan­go da, Maialen Lujan­bio­rekin batera; guztira, Herna­ni­ko Bertso Eskolako lau kide.
Izan ere, Unai Agirrerekin batera egin zuen finalerako bidaia atzo, parapentean, Aitor Mendiluze andoaindarrak.
Puntutan elkarrekin aritu ziren, parapentean zijoazen bi lagunen paperean, biak maisu; eta hori ekarri zuen gogora Mendiluzek azken agurrean, esanez gustora joango dela berarekin berriro, parapen­te­an, BECeko final horretan.
Andoaindarrak 695,5 puntu lortu zituen, eta espero bezala, finalerako txartela lortu zuen, Aitor Sarriegi atzoko irabaz­le­a­rekin batera (698,5).
Abenduaren 17an ariko di­ren beste lauak dira, Beñat Gaz­te­lu­mendi, Igor Elortza, Sustrai Colina eta Amets Arzallus.