«Bisitari horiek herrigunera erakartzeko lan egingo dugu»

Aurreko astean iragarri zuen Hauser & Wirth galeria sui­tzarrak Chillida familiarekin akordioa ixten ari zela Her­naniko Chillida Leku museoa berriro ere irekitzeko. Izan ere, 2011tik publiko orokorrarentzat ateak itxita zituen, eta hitzor­du bidez bakarrik bisitatu zite­keen.
Hortaz, akordio honekin ego­era honi buelta emango zaio, eta arte galeriak dioen be­zala, «Hauser & Wirthen lagun­tza eta gidaritzari esker, 2018­an irekiko ditu ateak berriro ere publiko oroko­rra­rentzat, Edu­ardo Chillidaren lanaren in­guruan ikasi eta esperi­men­tatzeko baliabide gisa».
Azaldu dute oraindik akor­dioaren xehe­ta­su­nak itxi gabe daudela, eta gehi­ago zehazten dituztenean emango dutela ho­rien guztien  berri. Dena den, aurreratu dute arte ga­le­ria suitzarra izango dela «Eduardo Chillidaren obra guz­tiaren ordezkaria mundu oso­an», eta Chillida Lekuk «eredu iraunkor eta jasangarria» izan­­go duela.

«Eragin positiboa izango du gure herrian»
Urteak zeramakizkien Chillida familiak erakunde publi­ko­e­kin negoziatzen museoa berri­ro ere irekitzeko aukera, Luis Chi­llida semeak 2016ko urta­rri­le­an Kronikari adierazi be­zala, baina ez zuten akordioa ixtea lortu. 
Azken urteotan erakundeek Chillida Leku irekitzeko nahia plazaratu dute, eta beraz, albistea positi­bo­ki baloratu dute.
Horietako bat izan da Foru Aldundia; balorazioa Denis Itxaso diputatuaren bidez egin duena: «Gipuzkoarentzat eta Euskadirentzat albiste bikaina da». Izan ere, «Chillida Leku lehen-lehen mailako ondare kulturala eta turistikoa da, eta ez zen inoiz utzi behar apro­betxatu gabe».
Hori dela eta, elkarlanerako gonbitea egin du: «Chillida Lekuren kudeatzaile berriekin elkarlanean arituko gara, mu­se­o­aren berrirekiera ardatz hartuz Explore San Sebastián Regionen sustapen turistiko internazionalerako».
Ildo beretik egin du balo­razioa Bingen Zupiria kultura eta hizkuntza politika kon­tseila­riak: «Eusko Jaurlaritzak, beti egin duen bezala, bere esku dagoen guztia egingo du operazio hori aurrera atera dadin. Hori gertatzen bada, Chillida Leku izango dugu Gipuzkoan, Guggenheim eta Arte Ederren Museoa izango ditugu Bizkaian, eta Araban Artium Museoa izango dugu. Lehen mailako erakustoki bat izango dugu kulturarentzat eta gure artea mundu mailara zabaltzeko».
Baita Hernaniko Udalak ere: «Chillida-Leku euskal ar­te­a­ren eta kulturaren errefe­ren­tea da mundu osoan. Mu­seoa irekita egon zen urteetan, urtero milaka bisitari jasotzen zuen. Seguru gaude museoa berriz irekitzen dutenean, era­gin positiboa izango duela gure herrian, kulturarekin lotutako turismoa bultzatzeko balia­garria izango baita». Eta bide horretan, diote: «Bisitari horiek herrigunera erakar­tzeko lan egingo dugu». Izan ere, «Hernanik, Chillida Lekuz gain, ondare histo­rikoa, kultu­rala, gastrono­mikoa eta norta­suna ere eskainiko dizkie kanpo­ko bisitariei».