Erronkaren benetako irabazlea, Axeriak taldea bera!

Aurreko aste osoa iraun zuen, Axeriak Mendi Lasterketa Taldeko neskek, mutilei botatako erronkak. Egunero egunero pilatu zituzten igoerak denek: guztira 165 igoera egin dituzte astebetean, eta 63 pertsona desberdin igo dira tontorrera, mutil, neska zein laguntzaile. Azkenean, mutilek irabazi zuten erronka, 154 punturekin; 108,5 lortu zituzten neskek. «Baina erronkaren benetako irabazlea, taldea izan da. Oso aste polita izan da, sekulako partehartzearekin, eta azkeneko egunera arte, giro ona izan da protagonista», nabarmendu dute.