Akordeoi doinuei segida, txistu hotsek eta dantzek

Bi zita jarri dituzte ‘Hernani’ Musika Eskola Publikoko ikas­leek, datozen egunetan. Gaur arratsaldean izango da aurre­nekoa: akordeoi entzunaldia eskainiko dute, 17:30etan ha­si­ta, Milagrosa kaperan.
Eta akordeoi doinuei, txistu hotsek hartuko diete erreleboa igandean. Udaletxeko arku­pe­e­tan eskainiko dute abenduko kontzer­tua, 12:30e­tan, mu­si­ka eskolako txis­tu­lariek.

Bi ospakizun berezi, txistularien kontzertuan
Igandekoa izango da, Txis­tu­la­riak arkupeetan kontzertu sor­tako azkenekoa. Eta egita­rau berezia pres­ta­tu dute zitarako, bi ospakizun tarteko direla: ba­tetik, 90 urte bete ditu aur­ten, Euskal Herriko Txistulari Elkar­teak, eta urte guzti haue­tan «egin duen lan izugarria ekarri nahi dugu gogora, elkartearen bi aldi berezitako partitura ezagunak berreskuratuz».
Eta bestetik, igandean Eus­kararen Eguna izanik, euske­ra­ri kantatzeko erabili ohi diren doinuak ere eramango dituzte kontzertura. Bukatzeko, Incan­sables txarangako Kanarioren bi pieza joko dituzte: Koxori eta Atzietako mendigoizaleak, baina txistu talderako egin dituen moldaketekin.

Gazteen Dantza Suelto Txapelketa ere, igandean
Beste zita bat ere izango da igandean. Kriskitiña dantza tal­deak antolatuta, Gazteen Dantza Suelto Txapelketa egin­go dute, eguerdiko 12:00etan hasita, Plaza Berrin; euria egi­n­ez gero, Biterin.
22garren edizioa izango da aurtengoa, eta hamabi bikote igoko dira taula gainera, ba­koi­tzak fandango eta arin-arin bana dantzatzera. Gasteiz, Az­koitia, Errezil, Azpeitia, Lezo, Villabona eta Adunatik eto­rri­ko dira, eta Beñat Luluaga eta Aitzol Txapartegi trikitilarien erritmora dantzatuko dute.