Oroimen historikoa berreskuratuz egitasmoaren barruan, Andreen iragan bizia jardunaldiak antolatu dituzte abendurako, Udaleko hainbat sailek elkarlanean.
Ostiralean izango da aurreneko ekintza: Iragana, lahar eta larrosa antzezlana, Segurako Antzerki Taldearen eskutik. Biterin izango da emanaldia, gaueko 22:30etan hasita. Hiru eszenatan, 1923tik 1937ra arteko gertaerak kontatuko dituzte, bi familiaren azaletan.
Antzerkirako sarrerak, dagoeneko salgai daude, Biterin bertan, 7 euroan.