Artisau erakusketak, bazkaria eta musika, Feria Eguna girotzeko

Gaur izanen da Feria Eguna, Goizuetan. 14garren edizioa du azienda, artisau eta ne­ka­zal feriak, eta ez da posturik faltako, ezta jatekorik eta musikarik ere.
Goizeko 10:00etan hasita, herriko artisauen erakus­ke­tak izanen dira, ordu laur­de­nero, eguerdiko 13:00ak arte: ataka bazterrak, sagardoa zein garagardoa, sifoia, egur taila, ardien itzulia, joareak, torrijak, eztia, harri taila, erraldoiak...

Eta goiz osoan zehar ari­tu­ko dira tri­kitilariak ere, ka­leak alaitzen.

Bazkariaren ondoren, Bixenteren musika
Eguerdiarekin, berriz, baz­ka­riaren txanda iritsiko da, eguerdiko 14:00etan. Bertan baz­kaldu nahi due­nak, Amaia kafetegian erosi dezake txar­tela. Eta bazkalostean, musi­kal­dia iza­nen da Bixente­rekin, udale­txe­ko orapean. Arratsaldeko 18:30etan hasi­ko du musika saioa.
Baserritarrez jantzita joateko deia
Feriaren antolatzaileek, deia luzatu diete bertaratuko dire­nei, baserritarrez jantzita joateko feriara. 

GOIZUETAKO XIV. AZIENDA, ARTISAU ETA NEKAZAL FERIA
10:00etan hasita, herriko artisauen erakusketak. Orden honetan eta ordu laurdenero: ataka bazterrak (Artan­txukoak); sagardoa (Yandenekoak); sifoia (Luixin); egur taila (Garbiñe); ardien itzulia (Olaso); joareak (Be­la­ko); haria (Mikela eta Anttoni); artoa kerkeili (Jubilatuak); torrijak (Koro eta Mertxe); eztia (Jimenez); garagardoa (Iñigo); harri taila (An­do­ni); eta erraldoiak (Yandenekoak).
Goizean zehar, trikitilariak kaleak alaitzen.
14:00etan, Bazkaria. Txartelak salgai Amaia kafetegian: 8 urtetik behe­rakoek doan, 9-16 urtekoek 10 euro, ikasle eta langabetuek 18 euro, eta langileek 21 euro.
18:30etan, Musikaldia Bixenterekin, udaletxeko orapean.