Partidu gutxi izango dituzte asteburu honetan, pelotari hernaniarrek, errendimenduko fase aldaketa tarteko. Hamar partidu jokatuko dituzte, gaur eta bihar.
Hernanin jokatuko dituzte gehienak, gainera. Gaur arratsaldean, 15:30etan hasita, lau partidu jokatuko dituzte hernaniarrek: Ekaitz Cisnerosek aurrena, Markel Lizeagak gero, Agirrek eta Lazkanok segidan, eta Pagolak eta Arizmendik azkenik; guztiak, nagusien mailan.
Bihar, berriz, 10:40etan hasiko dira partiduak, kiroldegiko frontoian. Baina zita garrantzitsuenak, Iruritan izango dituzte hernaniarrek. Baztango Txapelketako semifinalak jokatuko dituzte, goizeko 09:30etan hasita: Oier Garaiar eta Unai Etxarri aurrena; eta Jon Jara, Senosiain zestoarrarekin, gero.
Gaztain jatea gaur, esku pelota klubeko guraso taldeak
Besterik ere izango dute, hala ere, gaur arratsaldeko partiduek, kiroldegiko frontoian. Izan ere, gaztain jatea antolatu du, 17:00etatik aurrera frontoian bertan, esku pelota klubeko guraso taldeak.
Herritar guztiei luzatu diete gonbitea, pelota partiduez eta gaztainez gozatzera hurbiltzeko.