Azterketa garaian murgilduta dabiltza hainbat ikasle, edo pasa berriak dituzte beste hainbatek, ikasturteko aurrenekoak. Garai egokia izaten da hau, zer hobetu behar den ikusteko, eta horrela, askok jotzen dute akademietara, nahi duten ikasgaietan sakontzeko.
Beste batzuk, berriz, jakintza berriak eskuratzeko jotzen dute akademietara; bereziki, hizkuntza akademietara. Ingelesa izaten da gehien ikasten den atzerriko hizkuntza, baina frantsesa, euskera, edota beste hainbat hizkuntza ikasteko joera ere, gero eta haundiagoa da.
Era berean, gehientsuenen helburua ikasitakoa lanean aplikatzea izaten denez, aukera izaten da zuzenean lanbide batera bideratutako ikasgaiak ikasteko.
Norberaren beharretara egokitutako akademiak, aukeran
Urumea bailaran ez da falta akademiarik, norberaren beharretara egokituko dena.
Batzuk laguntza ematen dute, Lehen Hezkuntzan, DBHn, Batxilergoan edota Unibertsitatean ikasitakoa indartzeko; adibidez, Hernaniko Akademiak, Dekide Akademiak edota Onddi Akademiak. Helduentzako taldeak ere izaten dituzte, hainbat tokitan, eta sarbide probak prestatzen ere laguntzen dute.
Urolalde, Enplegurako Lanbide-Heziketa Zentroan, berriz, profesionaltasun ziurtagiriak eta zertifikatuak eskuratzeko aukera ematen dute.
Hizkuntzei dagokienez, aldiz, London School akademiak, ingelesa eta frantsesa irakasten ditu Astigarragan eta inguruan. Aukerarik ez da falta.
-london school
Ikasleen %95ek gainditzen dituzte azterketak
London School of Languages akademiak atzo banatu zizkien ziurtagiriak, Urnieta eta Astigarragako zentroetan ikasi duten 48 ikasleri. Izan ere, «ikasleen %95ek Cambridge azterketak gainditzen dituzte, eta horrexegatik, ikasleen ahalegina kontuan hartu eta zoriondu egin nahi izan dira».
25 urte daramazki London Schoolek ingelesa eta frantsesa irakasten.