Gero eta gutxiago geratzen da Bertsolari Txapelketa Nagusiaren finalerako, eta bide horretan, finalaurrekoetako bigarren itzulian dira bertsolariak. Amurrion egin zuten aurreneko saioa aurreko asteburuan, eta bihar, Donibane Lohitzunen egingo dute geldialdia. Bertan izango da, hain zuzen, Agin Laburu astigartarra.
17:00etatik aurrera, beste bost pertsolariren aurka lehiatuko da Jai Alaien; Igor Elortza, Iñaki Apalategi, Jone Uria, Julio Soto eta Maialen Lujanbio izango ditu aurrez aurre.
Colina aurrenekoa, Amurrion
Aurreneko saioan ederki aritu zen Sustrai Colina, eta 701 punturekin gailendu zen. Bigarren izan zen Beñat Gaztelumendi, gertu, 694,8 punturekin.