Igandean egin ziren Bizi-lagunak ekimenaren bueltan antolatutako bazkariak. Helburua: jatorri eta kultura ezberdinetako familia eta lagunak bazkari baten bueltan elkartu, eta elkar ezagutzea.
Hernanin, Amherrek bultzatuta antolatzen dira bazkariak, eta urtetik urtera, hobeak dira datuak. Aurten, 29 bazkari baino gehiagotan, 58 bat familia elkartu dira. Guztira, 400dik gora lagun.
Aurretik ere, bazkariak
Bazkaritan elkartzeko eguna igandean jarri bazen ere, batzuek ezin zutenez, lehenago ere egin dira bazkari gehiago. Karabeleko ekonekazaritza etxaldean, adibidez, bazkaria eta ospakizun ederra izan zituzten lehenago, bazterkeria egoeran daudenen inklusioa sustatzen duen Agifeseko langileek eta Amherrekoek.