Bosgarren edizioa izango da aurtengoa, eta azkeneko aldietan bezalaxe, Biteri kultur etxean antolatuko da. Hernaniko Udal Euskaltegiak 2017/2018 ikasturterako antolatutako mintzodromoa abenduaren 5ean izango da, eta bi saio egingo dira: goizeko 10:00etan bata, eta arratsaldeko 19:00etan bestea.
Urtero bezala, egitasmo honen helburu nagusia elkarrekin euskaraz aritzea da. Hau da, euskera ikasten ari direnak hitz egitera animatzea, euskeraz jakin bai baina aritzeko aukera gutxi duenari aukera horiek ematea, eta euskalduna izan arren euskeraz gutxi egiten duenari motibazioa areagotzea.
Izena emateko, azaroaren 28 arte: Hernaniko Udal Euskaltegiko 943 33 18 96 telefonora deitu edo euskaltegi@hernani.eus helbidera idatzi.