Atzo egin zuen taldearen aurkezpena, Axeriak Mendi Lasterketa Taldeak, denboraldi berrirako. Denontzat gimnasioan izan zen, sasoiaren aurreneko entrenamendua aitzaki hartuta, Ismael Mateo eta Javi Nogueiraren eskutik. Horrekin, dagoeneko jarri dira helburu berriei begira.
Orain urtebete hasi zuen bere bidea taldeak, eta sortzeko arrazoietako bat izan zen, mendi korrikalariek elkar ezagutu, eta komunean daukaten afizio hori elkarrekin konpartitzea. Taldeko kideek diote, denbora gutxian «oso ezaguna» egin dela «gure kamixeta berdea; aupa axeri oihua nonahi entzuten dugu!».
Ezetz mutilek neskei
irabazi!
Talde giroa sortzea izan dute, beraz, helburuetako bat; eta bide horretan, erronka bota diete taldeko neskek, mutilei: astebeteko epean, zeinek egin Adarrako tontorrera igoera gehien, neskek ala mutilek; gaur bertan hasi, eta igandera bitarte. Horretarako, zenbat eta kide gehiago bildu igoera bakoitza egiteko (beti ere sexu berekoak izanda), orduan eta puntuazio altuagoa lortuko du talde horrek. Hori bai, azpimarratu dute, taldekide bakoitzak igoera bakarra egin dezakeela egunean.
Korrikarako abilezia hori, ordea, sukaldean ere erakutsi beharko dute. Izan ere, afari eder bat daukate jokoan, talde galtzaileak prestatu beharko duena. Lortuko al dute axeri harrek, emeen erronkari eustea?