«Hernaniko enpresen aldeko apustuarekin jarraitzen dugu»

Bere apustua mantentzen du Hernaniko EAJ-PNVk, «herriko enpresen eta ingurumenarekiko errespetuaren alde». Hala adierazi du alderdiak, proposamen berri baten aurkezpenean. «Hernaniko enpresak sen­dotu, eta ingurumena ho­be­tzeko lan egitea» izango du helburu, proposamenak.
«Herriko enpresei lagun­tzea, herriko ekonomiaren trakzio-elementu eta lan eta  aberastasun sortzaile gisa, Her­naniko EAJren politikaren hiru oinarrietako bat da», azal­du du Andoni Amonarraiz bo­ze­ramaileak: «eta inguru­me­na­rekiko errespetua, ezinbesteko irizpidea da guretzat, pro­posamenak egiterakoan».
Bi irizpide horiekin, EH Bil­duri proposatu diote, «erosiko diren ibilgailu guztiak elektrikoak edo entxufatu daitezkeen hibridoak izatea. Herna­ni­ko LEMev Stream enpresaren datuak eman dizkiogu, moto elektrikoak egiten dituena; horiek erabili litezke Zerbitzu Publikoen sailetik hasi eta Udaltzaingora arte, eta baita inguruko herrietara joan-etorriak egiteko ere».
EAJk ziurtatu du, gainera, «enplegua sustatu eta ingurumena errespetatzera bideratutako proposamenak» egiten jarraituko duela.