Finala du helburu, epe laburrera behintzat, Beñat Gaztelumendi añorgarrak, Bertsolari Txapelketa Nagusian. Eta helburu horrekin joango da Amurriora gaur, finalaurrekoetako bigarren itzuliari hasiera emango dion saiora. Bañueta kiroldegian izango da, arratsaldeko 17:00etan hasita.
Hernaniko bertso eskolako kideak, alde dauka sailkapena oraingoz, aurreneko itzuliaren ondoren. Seigarren dago, 694,5 punturekin; Miren Amuriza zortzigarrenak baino 16 puntu gehiago. Alde hori dauka defenditu beharra, eta saio ona egin beharko du horretarako.
Añorgarrak ondoan izango ditu gaurkoan, Etxahun Lekue, Jon Maia, Nerea Ibarzabal eta Sustrai Colina.
Sarrerak www.bertsosarrerak.eus web orrian erosi daitezke 12:00ak arte; eta gelditzen badira, 15:00etatik Bañuetan.