Gaur bukatuko da Metal eremutik Aitor Ruiz de Eginoren erakusketa, Urumea ikastola zeneko eraikinean (10:30-13:30 eta 18:00-20:00). Orain arte, 1.200 pertsona inguru hurbildu dira, Gipuzkoa osotik eta baita Iparraldetik ere; eta 29 bisita gidatu egin ditu artistak, herriko ikastetxeetako haur eta gazteekin. Bertan daude ikusgai Betitxua eta Biaulki lanak ere, Udalaren 2017ko Kale Arte Sorkuntzarako dirulaguntzetan sarituak; eta erakusketa bukatzean, Ave Maria parkean eta Atarrabiyo parkean jarriko dituzte, hurrenez hurren, betirako.