Askotan entzun dugu elikadurak osasunean garrantzia duela, gaixotasunen aurka tresna prebentibo ona baita elikadura ohitura osasuntsuen praktika. Kirolean ere eragina du, entrenamendu ikusezin moduan definitu da. Ez bakarrik osasun egoera baldintzatzeagatik, gure errendimenduan ere garrantzi handia baitu. Le-sioen agerpena ekiditen lagundu eta errekuperazioa arinduko du.
Jarduerak berak (mota, intentsitate, iraupen...), bakoitzaren ezaugarriek (genetika, sasoi eta osasun egoera, gorputz konposizioa...) eta klimatologia bezalako fakoreek baldintzatuko dute dieta egokiaren izaera. Kantitate eta kalitate aldetik egokia izan behar du; jardueraren aurretik, bitartean zein ondoren. Honez gain, orekatua eta anitza izango da, nahikoa energiaz hornituko duena (karbohidrato bidez %55-60, lipidoekin %25-30 eta proteinak %15-20) eta mantenugai guztiak (bitamina eta mineralak) neurri egokian emango dizkiona.
Egunerokotasunean, barazki, fruta, osoko zereal, irin integral eta koipe osasuntsuetan oinarrituko da pauta. Animalia jatorriko proteinak arrain, arrautza, haragi txuri eta esnekien bidez lortuko dira, eta landare jatorrikoak egoskiari, fruitu lehor eta tofu bezalako elikagaien bidez batik bat.
Elikadura garrantzitsua da beraz kirol arloan, baina ezin dugu ahaztu hidratazioaz, bien arteko uztarketa egokiaz lortuko dugu, besteak beste, gure errendimendua optimizatzea.
Informazio gehiago: Zaindu zure burua gehigarri berezian.