Aurtengo Ligako aurreneko hiru jardunaldiak jokatuta, pozik agertu dira Hernaniko Boleibol taldeko hiru entrenatzaileak, Itziar, Aitor eta Amaia. Aurreneko biak dira infantilen taldea zuzentzen dutenak, eta kadeteak, aldiz, Amaiaren esku daude.
Beren ustetan, boleibolean jokatzeaz aparte garrantzitsuena da «ondo pasatzea eta gozatzea», baita «kirol hau maitatzea». Lan horretan ari dira aurten, edo saiatzen, behintzat. Eta badirudi fruituak ematen ari dela.
Infantilak, Gipuzkoako lider
Atzo jokatu zuten laugarren jardunaldia infantil mailakoek, eta badirudi Gipuzkoako lidergoari helduko diotela. Horren aurretik, 3tik 3 partidu irabazita zijoazen, beren entrenatzaileek azaldu bezala, eta bide horretan jarraitzeko asmoa daukate: «polita izango litzateke Euskadiko Ligara iristea, eta bertan lehiatzea Araba eta Bizkaiako taldeekin. Ahal den joko onena egiteko eta ahal den urrutira joateko asmoarekin».
Dena den, diotenez oso talde polita da, izan ere, «ikasteko gogoa daukate, eta boleibola gustatzen zaionarentzat, ikasteko nahi hori da hoberena», adierazi du entrenatzaileak.
Nahiz eta Liga modu ezin hobean hasi duten, onartu dute «neskek hobeto entrenatzen dutela, jokatzen dutena baino». Dena den, bidea egiten hasiak dira infantilak, lidergotzari eusteko.
Kadeteak, bigarren
Gaur izango dute norgehiagoka, aldiz, kadete mailako neskek. Fortuna KE izango dute aurrez aurre, Pio Baroja kiroldegian, goizeko 11:30etatik aurrera.
Kasu honetan, lidergoan ez, baina gertu daude hernaniarrak, Gipuzkoako Ligan. «Bigarren postuan daude, Aretxabaletarekin berdinduta, eta bi partidu irabazi eta bakarra galduta». Hori horrela, dena ematera aterako dira gaur, eta puntuak berreskuratzea izango dute buruan.