Ostegunean eman zuen jakitera talde eragileak, Hernani Erabaki prozesuan herritarrek zein proposamen aukeratu dituzten. Guztira 39 proposamen iritsi ziren azken fasera eta horietatik hamar izan dira aukeratuak. Aurreko bi urteekin alderatuta erdiak.
Eta horren arrazoi nagusia aukeratutako bi proposamenen aurrekontu altua izan da. Atletismo pista berritzea klimatologiari egokituz izan da bozkatuena eta bere aurrekontua 165.000 eurokoa da. Argiteria berritzearen inguruko hiru proposamen ere onartu dira. Horrek proposamen gehiago onartzeko aukera murriztu du.
Prozesua maiatzean jarri zen martxan eta proposamen asko bildu ziren lehen fasean, 533, eta horietatik 109 proposamenekin geratu ziren.
Azken faserako 39 proposamen aukeratu ziren, aurreko urteetan baino gehiago.
Mila boto inguru, guztira
Herritarren parte-hartzearekin pozik agertu ziren talde eragilekoak. 1.056 boto jaso dira. Baina 975 izan dira baliagarriak; 543 internet bidez eta 432 buzoietan. Baliogarriak ez dira izan bitan bozkatutakoak, beste batzuk ez zeuden Hernanin erroldatuta...
HERRITARREK AUKERATUTAKO 20 PROPOSAMENAK
*Atletismo pista berritzea erabilera eta klimatologiara egokituz. 165.000€. 454 boto.
*Hernanitik Ergobiarantza trenbide eta ibai ondotik doan bideko argiztapena hobetzea. 15.000€. 447 boto. Batura (180.000)
*Hernaniko kaleetako argiteria aldatzeko, hobetzeko eta kontsumoa murrizteko neurriak hartzea: presentzia detektagailuen arabera intentsitatea aldatu e.a. 100.000€. 409 boto. (280.000)
*Behar bereziak dituzten haurrentzat kolunpio/din-dan berria egitea Parkean. 10.000€. 398 boto. (290.000)
*Autobus geltokietan EPOko ikasleek diseinatu eta egindako paperontziak jartzea. 5.000€. 380 boto. (295.000)
*Atletismo pista inguruko belarra txukundu eta korrika egiteko prestatu. 17.000€. 378 boto. (312.000).
*Harrobiko lur eremua aisialdi gune bilakatzeko proiektua idaztea, herritarren partaidetza prozesu baten bidez. 20.000€. 372 boto. (332.000)
*Energia aurrezteko neurriak hartzea udaletxean eta eraikin publikoetan (Kiroldegia, Biteri...): isolamendua eta argiteria (LED argiteria, presentzia detektagailuak,...) aldatu. 150.000€. 355 boto. (482.000).
*Banku gehiago jartzea herriko hainbat gunetan: Zikuñagako kirol pista, Elkano kalea, Txirrita, Atsegindegiko aterpea, anbulategi ondoan. 15.000€. 338 boto. (497.000)
*Motoentzako aparkaleku berria egokitu Latsunbe Berrin. 700€. 94 boto. *
*Aukeratutako azken proposamena 36garren bozkatuena izan zen eta bere aurretik 26 proposamenek jaso zituzten boto gehiago, baino aurrekontutik, 500.000 eurotik pasatzen ziren aukeratu ezkero eta beraz 36garrena aukeratu zen ez zuelako muga gainditzen.