Santa Zezilia eguna izango da datorren asteazkenean, eta horren bueltan egin diren ekintzei hasiera emango diote gaur. Eguerdiko 12:30etan abiatuko dira Hernani, Urnieta eta Astigarragako txistulariak, bi tronpeta jole eta Ttarla dantza taldeko kideak. Kaxkoko kaleak girotuko dituzte doinu eta dantza herrikoi desberdinekin.
Goiz Eguzkiko abesbatza, Plaza Berritik
Ordu erdi lehenago, eguerdiko 12:00etan, aterako dira Plaza Berritik Goiz Eguzki abesbatzako kideak.
Kaxkoko kaleetan barrena ibiliko dira tarte batez, eta ondoren, bazkari eder baten bueltan bukatuko dute gaurko eguna.