Hernaniko Hezkuntza Plataformak bat egin du gehiengo sindikalak azaroan zehar astero arloka antolatutako grebekin eta gaur sukalde eta garbiketa alorreko langileak izango dira greba egingo dutenak. Langile hauekin elkartasuna adierazteko, elkarretaratze bat egingo dute 16:45etan, Atsegindegin.
Sukalde eta garbiketako langileen eskaerak ondorengoak dira: «Behin-behinekotasun maila murriztea, ratioak eta metrajeak egokitu, ordezkapenak lehen egunetik bete, langileen funtzioak modu egokian zehaztu, langileen formazioa eta euskalduntze planak ezarri, jantoki eredu berriak ezartzeko bideak ireki eta erraztu, epaitegietan zigortuak izan diren enpresak babestu beharrean eta prezioak asko garestituko direnaren kontuarekin ez beldurtu».