Janari bilketa gaur hasiko da

Janari bilketa gaur jarriko dute martxan, Ate­naseko erre­fuxiatuei bidal­tze­ko, SOS Erre­fuxiatuak Hernani eta Pasa­por­tes para Siria elkar­teek. Azaroaren 24ra bitarte bil­duko dituzte elikagaiak, Uru­mea eta Elizatxo ikas­to­letan, eta Ur­nietako Egapen eta Insti­tu­tu­­an. Eta etzi, ostiralean, eta la­run­batean, azaroaren 17 eta 18an, Zin­ko­e­neako Eroskin eta Gala­rre­tako Lidlen egingo dute bilketa.
Eskatu dituzten elikagaiak, honakoak dira: garbantzuak, olioa, azukrea, sardina eta atun lata metalikoak, eta gailetak. Eltxetxoak ere jarriko dituzte, bilketa puntu ho­ri­etan, diruz laguntzeko. Izan ere, elikagai horiek Atenasera barkuan era­mateak, 140 euro­ko kostua su­posatzen die, palet bakoitzeko.
Biltzen den janari eta diru guztiak, helmuga konkretu bat daukalako: Victoria proiek­tua.

Hotel bat zena alokairuan
Hotel bat zena hartu du SOS Errefuxiatuakek, alokairuan, Atenaseko zentroan; eta era­berritu egin dute, errefuxia­tuentzat eguneko zentro sozial bezala erabiltzeko: otorduak, tailerrak, osasun laguntza... Bertatik bertara ezagutu dute proiektua, Ixiar Villalba (Pasa­por­tes para Siria) eta Kepa Alvarez (SOS Errefuxiatuak) hernaniarrek, eta orain, elkarlanean ari dira hemen laguntza lortzen, bertara bidaltzeko.

Milioi bat errefuxiatu siriar etxera itzuli dira
Errusiak «terroris­mo­aren aur­kako kanpaina» hasi zuenetik, 2015eko irai­laren amaieran, milioi bat siriar errefuxiatu itzuli dira beraien etxeetara. Gehienak barne desplazatuak ziren eta orain kanpoko errefuxiatuen guneetatik ere hasi dira itzultzen.